PDA

View Full Version : Poetry on Muharram and Imam Hussain(a.s.)



hasan316
4th February 2007, 05:16
Please add any Shari on Muharram and Ahlebait(a.s.)

fakhar
4th February 2007, 05:57
Khial-e-Fatima (a.s.) deen ki hai aabro Zainab (a.s.)
Ali (a.s.) Imam ki sajdoon main aarzo Zainab (a.s.)

Amir_rulez
4th February 2007, 06:09
Many poets wrote on Hussain(AS), but don't think many could put it as well as Mirza Asadullah Khan Ghalib did:

http://youtube.com/watch?v=4Pq8fjmUU9Y

Hard for everyone to grasp, but give it a try.

Amir_rulez
4th February 2007, 06:11
Majlis Shaam-e-Ghareibaan 2007....... anyone?

Amir_rulez
4th February 2007, 06:33
For all those who might think Karbala is a shia created myth, try this:

libaas hai phata hua, ghubaar mein ata hua
tamaam jism e naazneen, chida hua, kata hua
yeh kaun zeewaqaar hai, bala ka shahsawaar hai
ke hai hazaaron qaatilon, ke saamne data hua

yeh bil yaqeen Hussain (A.S.) hai,
Nabi(SAW) ka noorey ain hai

ke jiski eik zarb se, kamaal’e fann e harb se
kai shaqi girey huey, tarap rahe hain karb se
ghazab hai teighay do-sarr, ke eik eik waar par
uthi sadaa’e "alamaan", zabaan e sharq o gharb se

yeh bil yaqeeN Hussain (A.S.) hai,
Nabi(SAW) ka noorey ain hai

yeh kaun haq parast hai, maey redha se mast hai
ke jiske saamn’e koi, buland hai na pust hai
udhar hazaar ghaat hai, magar ajeeb baat hai
ke eik se hazaarha ka hausla shikast hai

yeh bil yaqeen Hussain (A.S.) hai,
Nabi(SAW) ka noorey ain hai

aba bhi taar taar hai, to jism bhi figar hai
zameen bhi hai tapi hui, falak bhi shola baar hai
magar ye mard e teigh zann, ye saff shikan, falak figan
kamaal e sabr o tandehi se mahwe kaarzaar hai

yeh bil yaqeen Hussain (A.S.) hai,
Nabi(SAW) ka noorey ain hai

dilawari mein fard hai, bara hi sheir e mard hai
ke jiske dabdab’e se, dushmanon ka rung zard hai
habib e Mustafa(SAW) hai ye, mujaahid’e Khuda hai ye
jabhi to iske saamney, ye fauj gard bard hai

yeh bilyaqeen Hussain (A.S.) hai,
Nabi(SAW) ka noorey ain hai

udhar sipaah’e Shaam hai, hazaar inteqaam hai
udhar haiN dushmanaan’e deeN, idhar faqat Imam hai
magar ajeeb shaan hai, ghazab ki aan baan hai
ke jis taraf uthi hai teigh, bas Khuda ka naam hai

yeh bilyaqeen Hussain (A.S.) hai,
Nabi(SAW) ka noorey ain hai


Poet: Hafeez Jalandhari, the same gentleman who wrote Pakistan's national anthem.

hasan316
4th February 2007, 21:37
har aik yazeed ki gardan main daalne ke liay
abhi bachay huay lanat ke haar baqi hain
aur hamara un se kabhi faisla nahi hoga
yazeed mar gaya kuch rishtedaar baqi hain

hasan316
4th February 2007, 21:37
Jo nasal se yazeed ki rakhtay hain vaasta
Jaltay hain aaj roza-e-Shabbir dekh kar
Aur majlis main ana is liay bidat bata diya
Yaad-e-ghadeer aati hai mimbar ko dekh kar

hasan316
4th February 2007, 21:38
tere nakshe qadam ke zarron se maa-o-anjum ko noor baksha
isi ke ghar ke gadagaron ne hi admi ko shaoor baksha
isi ki khatir to apne sehra ko jalwa e kohetoor baksha
jo iska ghum leke mar gaya hai khuda ne usko zaroor baksha
jo fatima se rakhay mawadat usay na dozakh jala sakayga
jo iske ghar ko jalanay aya wo kese jannat main ja sakay ga

00_Zed
4th February 2007, 22:31
wha,wah , subhanallah

hasan316
5th February 2007, 01:25
wha,wah , subhanallah




most of them are from Mohsin Naqvi


ye mairaj ki shab kahan haath mara
ke hum se bhi pehle ke aaye huay hain
kaha dekh kar dast-e-haider nabi ne
ye bazu mere aazmaye huay hain

sneekysneeky
6th February 2007, 03:56
Is Nehaj Pe Insaan Nay Socha Hi Kahan Hay?
Shabeer Zamanay Main Risaalat Ki Zubaan Hay

Yeh Abr Ka Tukda Jo Bikharta Hay Faza Main
Sadaat K Jaltay Howay Kheemay ka Dhuwaan Hay

Behnay Laga Har Zulm Misal E Khas O Khashaak
Zainab Teri Taqreer Bhi Ik Sail E Rawaan Hay

Shabeer Ki Awaaz Jo Goonji Sar E Maqtal
Zainab Yahi Samjhii Ali Akbar Ki Azaan Hay

PlanetPakistan
6th February 2007, 05:20
Many poets wrote on Hussain(AS), but don't think many could put it as well as Mirza Asadullah Khan Ghalib did:

http://youtube.com/watch?v=4Pq8fjmUU9Y

Hard for everyone to grasp, but give it a try.
thanks man...good find...You can almost sense the sanity in the atmosphere!

robosapien
6th February 2007, 16:54
"saaniha-i-karbala" is one of the most used theme in urdu poetry to describe human condition at many levels. here's one such couplet written in recent times to describe the sociopolitical condition of society:

khamge-i-shab he, tashnege-i-din he
wohi dariya he aur wohi din he

hasan316
8th February 2007, 15:59
Hayaat lahma ba lamha karam Hussain (A.S) ka hai
Amal pay naaz nahie hai Bharam Hussain (A.S) ka hai
Atta tou kardiay Fitrus ko baal o par unsay
Abhee zameen pay pehla qadam Hussain (A.S) ka hai
Yeh keh kay choor dia qaber mai farishton nay
Na daingay ghum isay pehlay he ghum Hessain (A.S) ka hai
Nishaan e Sajda na takra nishaan e Matam say
Namaz parta hai yeh bhee karam Hussain (A.S) ka hai

hasan316
9th February 2007, 02:48
Ay Bagh e Askari kay muqadas tareen phool
Ay Kaba e fru e Nazar qibla e usool
Aa humse kar khiraje dil o jaan kabhi usool
Teray baghair hum ko qayamat nahi qubool
Dunya na maal-o-zar na wazarat ke waastay
Hum jee rahay hain teri ziarat ke waastay

Mohsin Naqvi

hasan316
9th February 2007, 02:50
Maula kab kahan kis ki duaon ke sabab aao ge
Kis ghari ay meri umeed ke rab aao ge
kuch to beenai barhay chashme tamannah ki hazoor
Yeh batanay hi chalay aao kay kab aao ge

hasan316
9th February 2007, 13:37
seerat o qaul e Payambar aik pal bhoolay nahi
Yaad hai Nad e Ali mushkil ka hal bhoolay nahi
haafza dekho hamara hum gadeer-e-khum kay baad
aaj tak haya ala kheril amal bhoolay nahi

fakhar
9th February 2007, 21:14
Dil ki mehfil ko sajao Ya Ali kahnay kay baad
munkiro ka dil jalaao Ya Ali kahnay kay baad

hasan316
10th February 2007, 04:07
.

fakhar
11th February 2007, 06:40
Naad-e-Ali ka wird jo karti chali gayee
umar-e-rawan sukoon say guzar ti chalee gayee
jisnay dar-e-hussain pay sir ko jhuka diya
woh shakhsiyat (personality) jahan main ubhar ti chalee gayee
Maut aarahee thee dhekha jo lab par Ali ka naam
mujh say milay bhagair guzar ti chalee gayee

Awesome Anjum
11th February 2007, 09:31
shahid e karabala ki momino jab yaad aati hai
tarap jaati hai duniya khoon ke aansoo bahati hai

hasan316
12th February 2007, 02:30
Nice Poetry SubhanAllah

00_Zed
13th February 2007, 03:50
Truly wonderful posts.

Mashallah!!


Dil ki mehfil ko sajao Ya Ali kahnay kay baad
munkiro ka dil jalaao Ya Ali kahnay kay baad

Absolutely bro!!!

Amir_rulez
13th February 2007, 05:11
http://www.youtube.com/watch?v=Pim7MKsoYDU

hasan316
14th February 2007, 02:55
Nasle sitam hai darpaye azaar ab to aa
Phir khul rahay hain zulm kay darbar ab to aa
phir aa phir wohee dar o deewar ab to aa
Kaabe pay phir hai zulm ki yalghaar ab to aa
din dhal raha hai waqt ko taza uraan de
aa ay Imam-e-Asar harm mai azan de

fakhar
16th February 2007, 14:45
Nasle sitam hai darpaye azaar ab to aa
Phir khul rahay hain zulm kay darbar ab to aa
phir aa phir wohee dar o deewar ab to aa
Kaabe pay phir hai zulm ki yalghaar ab to aa
din dhal raha hai waqt ko taza uraan de
aa ay Imam-e-Asar harm mai azan de

Mashallah

fakhar
16th February 2007, 14:47
Panjetan (a.s.) say wabasta ulfatoon ka kya kahna
unn kay dushmanoon kay liyey nafratoon ky kya kahna

fakhar
16th February 2007, 14:48
Shaheed ho gaye, kuch aur teray laal Hussain
Jo rahay gayee hai unhain, ab tu hee samaal Hussain

Awesome Anjum
16th February 2007, 14:49
Shah Ast Hussain Baadshah Hast Hussain
Deen-ast Hussain Deen-Pana Hast Hussain
Sar Dad Na Dad Dast Dar Dast-E-Yazeed
Haq-A Ke Binae La Ila Hast Hussain

Sajday Mein Sir Katanay Ko Aakhir Kata Dia
Laikin Khuda Ke Naam Ka Danka Baja Dia
Ya Hussain! Ya Hussain!

Deed Ki Gar Talaash Hai Sir Ko Jhuka Namaaz Mein
Dil Se Khudi Ko Door Ker Khud Ko Mita Namaaz Mein
Aaye Ga Tujh Ko Tab Nazar Ro-E-Khuda Namaaz Mein
Pehle Hussain Ki Tarah Sir Ko Kata Namaaz Mein
Aur Keh Ya Hussain! Ya Hussain!

Kiss Ki Majaal Ay Hussain Kiss Ko Ho Tujh Say Hamsari
Baap Ke Ghar Immayatein Nana Ke Ghar Payambari
Shakl-E-Hussain Daikh Ker Haq Bhi Kahay Ga Hashr Mein
Ay Mairay Mustafa Ke Laal Ummat-E-Mustafa Ber'ee
Ya Hussain! Ya Hussain!

Salami Karbala Mein Kia Qayamat Ki Ghari Hogi
Churi Shabbir Ki Gardan Pay Jiss Dam Chal Rahi Hogi
*****'ja Thaam Ker Peer-E-Falak Bhi Reh Gaya Hoga
Kalajay Per Ali Akbar Ke Barchi? Jab Lagi Hogi

Mujhay Janay Do Pani Bhar Ke Yeah Abbas Kehtay Thay
Kayii Din Ki Piyasi Hai Sakina Ro Rahi Hogi
Luti Hai Jaisay Dunya Karbala Mein Ibn-E-Haider Ki
Kisi Mazloom Ki Dunya Na Dunya Mein Luti Hogi

Mohammad Ke Nawasay Nai Jo Ke Taighon? Ke Sa'ay Mein
Bashar To Kia Farishtoon Se Na Aise Bandagi Hogi
Nabi Se Paishtar Maishar Mein Ummat Bakhswanay Ko
Hussain Ibn-E-Ali Aa'ain Gay Dunya Daikhti Hogi

Hamaray Khoon Ke Badlay Mein Ummat Bakhsh Day Ya Rub
Khuda Se Hashar Mein Yeah Iltija Shabbir Ki Hogi
Baray Ghamkhaar Hein Wo Gham Na Ker? Bakshish Ka Ay Purnam
Karam Say Punj-Tun K Hashar Mein Bakhsish Teri Hogi
Ya Hussain! Ya Husaain!

Ey Jab Chaand Tan Say Niklay Lab Per Tairay Ho Kia
Ya Hussain! Ya Hussain!
Husn Ki Ibtida Hein Wo Ishq Ki Intiha Hein Wo
Ya Hussain! Ya Hussain!

[Taken from Nusrat Fateh Ali Khans Mersaiya (Ya Hossain)]

fakhar
16th February 2007, 14:51
ashaab thay kya bu zar-o-salman waghaira
jo ban gaye islam ki pheechan waghaira
Allah na karay koi ho, uss tarah musalmaan
thay jaisay musalmaan abu sufiyaan waghaira

hasan316
17th February 2007, 04:59
Nice, keep posting more.

fakhar
18th February 2007, 19:26
Naam-e-Abbas wasila hai har dua kay liyey
ism-e-aazam hai yeh momin ki iltija kay liyey

fakhar
20th February 2007, 07:24
Jis ka mola tha main, uska mola ali jab nabi nay kaha deen kaamil howa
Marhaba Mustafa, Rab bhi raazi howa, phir jo aana thi aayat wohee a gayee

p.s. referring to the event of ghadeer-e-khum and the ayat that was revealed at that occasion.

fakhar
20th February 2007, 07:45
Allah mujhay Lashkar-e-Mehdi a.s. say mila day
aisa na ho aaka mera halmin ki sada day
nazroo ko meri laaeik-e-deedar bana day
parda jo para hai meri aankhoon say utha day
haad-e-zaman ka rukh-e-pur noor dekha day

fakhar
20th February 2007, 07:50
Dil ki mehfil ko sajao Ya Ali kahnay kay baad
munkiro ka dil jalaao Ya Ali kahnay kay baad

momino aur munkiroo ka khuda pata chal jaey ga
chera chera aazmao Ya Ali kahnay kay baad

aik ho jao musalmanoon khuda kay waastay
aag nafrat ki bujao Ya Ali kahnay kay baad

maut say aik rooz panja aazmai ho gayee
tor dee main nay kalaee Ya Ali kahnay kay baad

MIG
20th February 2007, 08:01
Ghabrayay Kee Zainab is my favorite....recited on Shame-Ghariban on PTV many years ago ( is it still done in that way ?)

Amir_rulez
21st February 2007, 04:37
http://youtube.com/watch?v=oAiJH0Ck1EM&mode=related&search=

fakhar
21st February 2007, 13:58
Qiamat ban kay din ashoor ka, Zainab a.s. pay aaya hai
hazaroon qatiloon kay darmiya, Zahra a.s ka jaaya hai

kia veeran aik jhoola ujara aik madar ko
bata aay qaatil-e-asghar teray kya haath aaya hai

sada zahra a.s. ki aati thi, utho ghazi sahara doo
meray baitay nay tanha laasha-e-akbar uthaya hai

fakhar
23rd February 2007, 02:27
salaam khaak nasheeno pay saougwaroon ka
ghareeb daytay hai pursa tumharay pyaroon ka

from_da_lost_dim3nsion
23rd February 2007, 05:20
isnt poetry haram in islam ?

fakhar
23rd February 2007, 15:35
isnt poetry haram in islam ?
oh wow....what gave you that idea????

fakhar
23rd February 2007, 16:45
mera hussain baagh-e-nabowaat ka phool hai
haider ki ism-e-jaan hai khoon-e-batool hai

fakhar
23rd February 2007, 18:16
wafa jis ka parhay kalma usse abbas kehtay hai
jissay sajday karay sajda usse abbas kehtay hai

woh pyasa pyaas nay jis ki kya sehraab darya ko
hai jis ki pyaas bhi darya ussay abbas kehtay hai

fakhar
25th February 2007, 19:04
Jab khuda ko pukara, Ali aa gayee, jab ali aa gayee zindagi aa gayee
zindagi bandagi rooshni aa gayee, roshnee aa gayee aa gayee aa gayee

maut inn kay mohiboo ko aati nahi, aa bhi jaey to phir bach kay jaati nahi
maut say kya khatar maut say kya hazar, iss say bachna bhi kya aa gayee aa gayee

jis ka maula tha main uss ka mola ali, jab nabi nay kaha deen kaamil howa
marhaba mustafa rab bhi raazi howa, phir joo aana thi aayat wohee aa gayee

jibrael aur qambar pay kya monhasar dar tayra choor kar koi jaat nahi
jo ghulami ka teri maza paa gaya raas jis ko teri naukri aa gayee

hum kay sar shaar ishq aur tawala main thay jaantay hee na thay nafrat-o-dushmani
yeh tabarra bhi walaha kya cheez hai, hum ko ugh yaar see dushmani aa gayee

00_Zed
25th February 2007, 21:37
Fakhar:

Subhanallah.

Keep posting.

fakhar
26th February 2007, 14:47
iss baath say mahsoos karoo kay kya hai sakina
abbas kay hontoon(lips) ka qasida hai sakina

aaina (mirror)-e-zehra main jo dekha tera bachpan
har aks pukara yahee tu zahra hai sakina

abbas ki nazroo say koi parh kay tu dheekay
ahsaas ka aik nehj-e-balagha hai sakina

fakhar
26th February 2007, 21:21
jis ko bashar na paa sakay maula ali woh raaz hai
zatay khuda tu hai magar uss ka ali jawaz hai

fakhar
26th February 2007, 21:22
go kay rab koi bhi allah ka jaisa na howa
abu talib sa koi palnay walaa na howa
jis ki aghoosh main paltay hoon nabi aur imam
palnay wala koi doosra aisa na howa

hasan316
27th February 2007, 02:58
Fakhar bhai vaah, Kya baat hai. Maza aya gaya.

fakhar
27th February 2007, 03:19
Fakhar bhai vaah, Kya baat hai. Maza aya gaya.
bas hasan bhai itemas-e-dua hai.... :D

fakhar
27th February 2007, 07:54
aisay waisoon say pyar mat kijeo
yeh khata baar baar mat kijeo
choor dayta hai saath mushkil main
sheikh par inhesaar mat kijeo

fakhar
28th February 2007, 05:49
haq ka irfan jo paaya tu ali yaad aaya
dil main quran samaya tu ali yaad aaya

fakhar
28th February 2007, 21:48
wafa ka zikr karain zikr-e-bawafaan na karain
kisi main itni hoo mohsin kushi khuda na karay
hum uss faqeer ko khairaat bhi nahi daytay
jo panjetan kay wasilay say ilteja na karay
ibadatoon par woh khud apni fateha parh lay
jo shah-e-deen ki kabhi majlis-e-aza na karay

fakhar
1st March 2007, 06:22
maula maula bool musalman maula maula bool
aaj ghadeer-e-khum ki boli tu bhi khul kar bool
musalmaan maula maul bool maula maula bool

aaj nahi bolay ka tu sun lay tu buhat pachtaey ga
rozay qiyamat chehra unn ko kaisay tu dheklaey ga
naatay tu unn ki khoob parhay hai qaul (sayings) bhi tu kuch bool
musalmaan maula maul bool maula maula bool

sharay ilm ko jaanay walay, baath to itni jaan lay
shahar main jaanay say pehlay, dur ko tu pehchaan lay
darwaazay par deeni hogi, hub-e-Ali ki toll
musalmaan maula maula bool, maula maula bool

fakhar
3rd March 2007, 18:12
na poochye kay kya hussain hain
khuda kay deen har ibtida ki ibtida,
karam ki inteha hussain hai

fakhar
3rd March 2007, 18:13
jo haider-e-qaraar hai woh kul ka madad gar hai usse humme bhi pyar hai woh hai
naara-e-Ali....YA ALI

fakhar
3rd March 2007, 18:14
Nishan-e-lashkarai Fauj-e-Khuda Abbas Ka Percham
Shajaane Arab Ka silsila Abbas Ka Percham

Waqar-o-Azam-o-Himat Hosala Abbas Ka Percham
Sikhata hai itaat or wafa Abbas ka Percham

sneekysneeky
11th March 2007, 16:43
Ya Ali tera haseen naam acha lagta hai
Teri nisbat se humain Islam acha lagta hai
Log kehte hain tere ishq main kafir mujh ko
Aur mere dil ko yeh ilzam acha lagta hai

fakhar
11th March 2007, 17:40
Ya Ali tera haseen naam acha lagta hai
Teri nisbat se humain Islam acha lagta hai
Log kehte hain tere ishq main kafir mujh ko
Aur mere dil ko yeh ilzam acha lagta hai
wah wah wah