PDA

View Full Version : Yadain bhee ajeeb cheez hotee hain, hay na?



MIG
22nd June 2008, 00:01
Apnee zindagi mai hazar cheezen insaan dekhta hai magar chand ghariyan aur yadain humaray dimagh mai humesha kay liya buss jaati hain

Agar aap sochnay bethain to achee yadain kum aur burree yadain ziyada nazar aatee hain - kiyon? Mera aisa khiyal hai kay Insaan apnay achay waqton ko kum aur burray waqton ko ziyada yaad karta hai

Iss thread (Dhagay!) kay liyay mai sochnay betha to mujhay bohat kum he achee yadain yaad aatee hain ! Merau khiyal mai Pakistan ka World Cup jeetna meri behtreen yaadon mai say aik hai

Magar aik yaad jo kay meray martay dum tak yaad rahay gee, woh hai meri walida kee wafat :( Yah aisa waqia hai kay meri ankon kay samnay humesha aisa chalta hai jaisay kay koee video recording !

Ajeeb cheez hai yeh dimagh bhee ? Aap sub ko kiya kiya batain yaad hain?

SwEeT CaNdY
22nd June 2008, 00:22
mujhe hamesha apne pyare se nana n nani yaad ate hain jo mujhse itna duur hain Pakistan mein hain...or mujhe Pakistan bhi bht yaad ata hai...apni cousins k sath sari sari raat batein karna...phir chote chote bacho k sath khelna unko tang karna...galiyon mein larko k sath cricket khelna. Woh hamesha bht khoobsoorat sa waqt hota hai Pakistan mein

Wese mein sooch sakti hun kitna khush honge app Pakistan k WC jeetne pe ...mujhe to yaad bhi nahi q k mein sirf 4 mahine ki thi us waqt

PlanetPakistan
22nd June 2008, 00:37
MIG bhai may apnay guzray howay kal kay baray may buht kum soochnay kee koosish kerta hoon. Ais kee wajah yeh ha ka puranee yadian(dunoo acchee aur burree) mujhay hamesha buht afsurda ker daytee hain

Zeenix
22nd June 2008, 01:29
Iqbal sahib ne kia khoob kaha hai..

Yaad e Maazi Azaab hai Ya Rub

Cheen le mujh se Hafza mera

12thMan
22nd June 2008, 01:44
sochna chor do yaroon

lekin agar yadein na hon to zindagi kiya hai? Har din naein zindagi bor ho jaye gi.

Zeenix
22nd June 2008, 01:53
Yaadain hamari guzri huwi zindagi ke saath WAHID Taaluq hoti hain. Guzri huwi zindagi ka hur lamha aik Yaad bun ke reh jaata hai.

Hamare zindagi ke Wo Lamhe jo beet gai, jo kabhi wapis nahi aainge, unke saath hamara rishta sirf yaadon ke dhaage se bandha huwa hai.

kabhi yaadain aapke honton pe muskaan lay aati hain, tu kabhi aankhon mai aanso. Kabhi Afsoos tu Kabhi Ihsaas e Tafakhur.

Kabhi koi yaad ke saahare apna Muhasiba karta hai tu kabhi koi tajdeed Ehad.

Mere Khayaal mai Yaadain or Tanhai ka apus mai Choli Daamun ka saath hai..

Baqool e Momin

Tum mere pas hote ho goya
jab koi doosra naheen hota

Yaad aik Androoni kaifiyat hai, jis ka zahir se koi taluq nahi, Haan uske asraat zaroor MAADI Jism pe zaahir hote hain. leken yeh kaifiyat androoni hi hai. Isi ander ki dunya ki inder Sabha mai ghote lagata huwa insaan kabhi apne Rab e Haqiqi ka qurb hasil kur leta hai, warna Yaadon ke hujoom mai ghir ker khud ko hamesha ke lia kho deta hai.

bablu_khan
22nd June 2008, 01:54
Bhai logo mai bhi aa gaya is urdu khane mein.

kaafi acha laga aakar idhar aap sab se milkar urdu mein baat cheet karne kaa mauka mila

har din angrezi mein baat kar kar ke mai pak gaya hoon goro se.

Zeenix
22nd June 2008, 15:54
MIG is topic ko chair ke Zulm kia hai

MIG
22nd June 2008, 16:02
Baat yah hai Zee kay aadmee jahan bhee jayay, yadain saath lekar chalta hai kabhee kabhee mai Ghareeb mazdooron ko dekhta hoon yahan par apnee break kay waqt, bethay kuch soch rahay hotain hain kiya maloom kay won kon see apnay watan, aqraba kee yadain liyay bethay hotain hain ?

Meri yadain meray dimagh mai naqsh hain jub chahoon unnhay bula sakta hoon a bit like recalling data from a hard drive 

Momo
22nd June 2008, 20:09
Din jo pakheroo hote, pinjare mein mai rakh leta
Paalta unko jatan se, moti ke daane deta
Seene se rakhta lagaaye
Yaad na jaaye .....

Tasweer unki chhupa ke, rakh doon jahan ji chaahe
Man mein basi jo moorat, lekin chhupi na chhupaaye
Kehne ko hain wo paraaye
Yaad na jaaye .....

copyright: Shankar-Jaikishan, Shailendra, Muhammad Rafi et al.

Wazeeri
22nd June 2008, 21:30
MIG bhai

Merai Khyal mein Insaan bohat na shukra hai. Jahaan tak mujhe lagta hai Yaadein ziada tar achi hi hoti hain. Insaan ko aaj aur abhi ki kadar nahin hai.

Hamesha jab bhi kissi guzarai huwai waqt ki baat hoti hai tau "good old times" sai hi baat khatam hoti hai. Beshak uss waqt mein insaan nai kiya kuch na saha ho.

Issi liye tau sab bachpan mein wapis jaana chahtai hain beshak apnai massanah aur aamea pai Insaan ikhtiyaar kho beth ta hai.

the_game
23rd June 2008, 11:13
Miggy bhai, kya aap mujhe apni walida ki wafaat ke baad ke halaat bata saktay hain? Aap ne itni bari loss ke saath kaise deal kiya? Kya waqt waqayee itna effective marham hai jo ke har zakham ko kam karday?

Agar aap ko thori si bhi pareshani mehsoos ho is post ka jawab dete huay to meri taraf se muazrat, mera qatayen yeh maqsad nahi tha. Main sirf apnay aap ko tragedy se deal karne ke liye dimaaghi taur pe tayyar karna chahta hoon (khudana khwasta).

MIG
23rd June 2008, 12:27
Zahir hai kai bohat hee barra sadma tha meray liyay magar ALLAH kee marzi kay samnay kiss kee juraat hotee hai?

Kahani kuch lambi hai magar aik cheez mujhay abhee tak yaad hai aur woh hai apni piyari maa ka wafaat kay baad khubsoorat chehra - jaisay ko woh duwa maang raheen hon...

Uss kay ilaawa jo sub say ziyada burree yaad hai uss bay bussee kee - aap jantay hain kay agar koee doosray mulk chala jata hai to aap ussko phone kar saktay haimn - chahay aap saalon na millain magar aap ko pata hai ko woh hastee duniya mai to hai - magar mot aik aisee cheez hai jo kay intee "final" hai - ab apnee maa say mai kaisay baat karsakta hoon ?

Allah, aap sab par aap kay walidain ka sayiya rakhey ameen

Ya ALLAH, meri maa kee maghfirat farma, Ameen

from_da_lost_dim3nsion
23rd June 2008, 13:21
pakistan mein apnee school ki yaadein aatehin hian mujhe , main kyon wahana per mummy daddy bacha tah , kash mein bhi thora awara gardioon aur kheel kood mein waqt surf kerta ziwayee kitaboon mein sur diyee rehne ke alawa, mera pasandeeda mashghala school ki kitabon ke baad doosrii kitabbbein perhna hota tah ,
hamdard nonihal, taleem o tarbiyat,saathi,bachoon ki dunya,bachoon ka bagh,tarzan aur pata nahin kya kya,aur iss saab ke sath mein ne buhta hi choti umer mein baroon ke akbhar aur magazines perhne shuroo ker dye. un se mere sooch mein buhat zyada mature pana aagay buhta hi choti age mein hai , i regret that ,all in all main bachpann mein itna enjoy nahin ke rpaya jitna kerna chhaiiyee tha , mgar koi gall nahin college days mein to haadd hi ker de maine...........
kuch totee rishte kuch kachee rishtee bhi buhat yaad aatein ahi ...

Pak_mystery
25th June 2008, 04:16
Baatein bhool jati hain,yaadein yaad aatin hain..lol

Zechariah
25th June 2008, 06:19
Waqt acha ho ya bura ho, insaan ko humesha khush andaaz rehna chiaye, akhir yahi humne seekha hai apne deen se ki jo marzi ho jaye dunya mein agar Allah hai to kuch khatam nai.

Humara apnay nazriye hotay hian zindagi ki baray mein, jo cheezain humain dil per ja kar lagti hain ( achi ho ya buri) wo humesha yaad rehti hain kyun ki wo humaray subconscious mind per ek print chor kar chali jaati hain, jitni ziyada baat dil per ja kar lagay gi utna hi ziyada wo yaad rahay gi

App sahi kehtay hain ki buri cheezain ziyada yaad rehti hain and wazeeri se sahi kaha ki insaan nashukra hia, shayad humain wo cheez buri lag rahi ho likin asal mein to wo humaray liye bohat hi faidaymand ho sakti hai, is liye zindagi mein jo marzi h ojaye humain muskartay rehna chaiye and iman mazboot rakhna chaiye, bsaaki sab to apni jhaga par a hi jata hia

Likin kuch yaadain esay hoty hain jinko bhoolna na mumkin hia, is tarah ki yadain ziyada tar pyar ki sath related hoty hain, humain apna family aur apni khasam ki saath pyar hota hai aur ye log hum kbhi bhool nai saktay likin zindagi gi cheezon ko zaroor bhool saktay hian

is liye jab hum koi bh cheez yaad karain humain ussay achi nigah se yaad karna chaiye kyun ki negativity ki nigah se to har cheezz hi dardnaak nazar aty hai

muskusraaay rahiye.. aye MIG bhai ki maalish ki jiye :)

MIG
26th June 2008, 01:18
Magar kush yadain hotee hee hain barri ghumgeen - unka kiya karain ? Agar aap ik aisay bachay say poochain jiss kay waldain kissee hadsay mai mot kee nazar hogayain ho to bhala woh kiya yaad rakehaga?

Buss Allah ka shukar karain kay hum or aap kee kuch khushgawar yadain mojood hain !

Phool
7th August 2011, 12:46
ye yaden bhi badi ajeeb hoti hain, buri yaden humen rulati hain, hum un se chahte huway bhi peecha nahin chuda sakte jabke achi yaden jab bhi yaad ati hain siraf dil hi jalati hain, hum shiddat se chahte hain ke kash wo lamhe wo lamhe dubarah lout aayein, baherhal jo bhi ho yaden to yaden hoti hain

Looney
8th August 2011, 02:09
Allah aap ki waalida ko jannat ata farmaayeN . Ameen . :)

Buri yaadoN ke saath mere khiyaal maiN khonay ka ehsaas bhi bohot hota hai .