User Name Password
Go Back   PakPassion - Pakistan Cricket Forum > Off Topic > Languages Forum


Share This Forum!  
 
 
     
 
Reply
 
Thread Tools Display Modes
  #1  
Old 21st June 2008, 17:31
MIG's Avatar
MIG MIG is offline
PakPassion Administrator
 
Debut: Oct 2004
Venue: Apnay ghar mai - aur kahan ?
Runs: 45,855
Yadain bhee ajeeb cheez hotee hain, hay na?

Apnee zindagi mai hazar cheezen insaan dekhta hai magar chand ghariyan aur yadain humaray dimagh mai humesha kay liya buss jaati hain

Agar aap sochnay bethain to achee yadain kum aur burree yadain ziyada nazar aatee hain - kiyon? Mera aisa khiyal hai kay Insaan apnay achay waqton ko kum aur burray waqton ko ziyada yaad karta hai

Iss thread (Dhagay!) kay liyay mai sochnay betha to mujhay bohat kum he achee yadain yaad aatee hain ! Merau khiyal mai Pakistan ka World Cup jeetna meri behtreen yaadon mai say aik hai

Magar aik yaad jo kay meray martay dum tak yaad rahay gee, woh hai meri walida kee wafat Yah aisa waqia hai kay meri ankon kay samnay humesha aisa chalta hai jaisay kay koee video recording !

Ajeeb cheez hai yeh dimagh bhee ? Aap sub ko kiya kiya batain yaad hain?
__________________
For answers to the Universe, Life and everything : TheSourceNews(TSN)
Reply With Quote
  #2  
Old 21st June 2008, 17:52
SwEeT CaNdY's Avatar
SwEeT CaNdY SwEeT CaNdY is offline
Tape Ball Star
 
Debut: Feb 2008
Venue: Germany
Runs: 1,007
mujhe hamesha apne pyare se nana n nani yaad ate hain jo mujhse itna duur hain Pakistan mein hain...or mujhe Pakistan bhi bht yaad ata hai...apni cousins k sath sari sari raat batein karna...phir chote chote bacho k sath khelna unko tang karna...galiyon mein larko k sath cricket khelna. Woh hamesha bht khoobsoorat sa waqt hota hai Pakistan mein

Wese mein sooch sakti hun kitna khush honge app Pakistan k WC jeetne pe ...mujhe to yaad bhi nahi q k mein sirf 4 mahine ki thi us waqt
Reply With Quote
  #3  
Old 21st June 2008, 18:07
PlanetPakistan PlanetPakistan is offline
ODI Star
 
Debut: Mar 2006
Venue: Orlando, FL
Runs: 24,085
MIG bhai may apnay guzray howay kal kay baray may buht kum soochnay kee koosish kerta hoon. Ais kee wajah yeh ha ka puranee yadian(dunoo acchee aur burree) mujhay hamesha buht afsurda ker daytee hain
Reply With Quote
  #4  
Old 21st June 2008, 18:59
Zeenix's Avatar
Zeenix Zeenix is offline
ODI Debutant
 
Debut: Jun 2005
Runs: 9,153
Iqbal sahib ne kia khoob kaha hai..

Yaad e Maazi Azaab hai Ya Rub

Cheen le mujh se Hafza mera
__________________

A complex system not working is invariably evolved from a simpler system that worked just fine.


Reply With Quote
  #5  
Old 21st June 2008, 19:14
12thMan 12thMan is offline
Test Match Star
 
Debut: Sep 2006
Runs: 26,865
sochna chor do yaroon

lekin agar yadein na hon to zindagi kiya hai? Har din naein zindagi bor ho jaye gi.
Reply With Quote
  #6  
Old 21st June 2008, 19:23
Zeenix's Avatar
Zeenix Zeenix is offline
ODI Debutant
 
Debut: Jun 2005
Runs: 9,153
Yaadain hamari guzri huwi zindagi ke saath WAHID Taaluq hoti hain. Guzri huwi zindagi ka hur lamha aik Yaad bun ke reh jaata hai.

Hamare zindagi ke Wo Lamhe jo beet gai, jo kabhi wapis nahi aainge, unke saath hamara rishta sirf yaadon ke dhaage se bandha huwa hai.

kabhi yaadain aapke honton pe muskaan lay aati hain, tu kabhi aankhon mai aanso. Kabhi Afsoos tu Kabhi Ihsaas e Tafakhur.

Kabhi koi yaad ke saahare apna Muhasiba karta hai tu kabhi koi tajdeed Ehad.

Mere Khayaal mai Yaadain or Tanhai ka apus mai Choli Daamun ka saath hai..

Baqool e Momin

Tum mere pas hote ho goya
jab koi doosra naheen hota

Yaad aik Androoni kaifiyat hai, jis ka zahir se koi taluq nahi, Haan uske asraat zaroor MAADI Jism pe zaahir hote hain. leken yeh kaifiyat androoni hi hai. Isi ander ki dunya ki inder Sabha mai ghote lagata huwa insaan kabhi apne Rab e Haqiqi ka qurb hasil kur leta hai, warna Yaadon ke hujoom mai ghir ker khud ko hamesha ke lia kho deta hai.
__________________

A complex system not working is invariably evolved from a simpler system that worked just fine.


Reply With Quote
  #7  
Old 21st June 2008, 19:24
bablu_khan bablu_khan is offline
Tape Ball Star
 
Debut: Jan 2008
Runs: 1,068
Bhai logo mai bhi aa gaya is urdu khane mein.

kaafi acha laga aakar idhar aap sab se milkar urdu mein baat cheet karne kaa mauka mila

har din angrezi mein baat kar kar ke mai pak gaya hoon goro se.
Reply With Quote
  #8  
Old 22nd June 2008, 09:24
Zeenix's Avatar
Zeenix Zeenix is offline
ODI Debutant
 
Debut: Jun 2005
Runs: 9,153
MIG is topic ko chair ke Zulm kia hai
__________________

A complex system not working is invariably evolved from a simpler system that worked just fine.


Reply With Quote
  #9  
Old 22nd June 2008, 09:32
MIG's Avatar
MIG MIG is offline
PakPassion Administrator
 
Debut: Oct 2004
Venue: Apnay ghar mai - aur kahan ?
Runs: 45,855
Baat yah hai Zee kay aadmee jahan bhee jayay, yadain saath lekar chalta hai – kabhee kabhee mai Ghareeb mazdooron ko dekhta hoon yahan par – apnee break kay waqt, bethay kuch soch rahay hotain hain – kiya maloom kay won kon see apnay watan, aqraba kee yadain liyay bethay hotain hain ?

Meri yadain meray dimagh mai naqsh hain – jub chahoon unnhay bula sakta hoon – a bit like recalling data from a hard drive 
__________________
For answers to the Universe, Life and everything : TheSourceNews(TSN)
Reply With Quote
  #10  
Old 22nd June 2008, 13:39
Momo's Avatar
Momo Momo is offline
T20I Star
 
Debut: Jun 2006
Runs: 20,374
Din jo pakheroo hote, pinjare mein mai rakh leta
Paalta unko jatan se, moti ke daane deta
Seene se rakhta lagaaye
Yaad na jaaye .....

Tasweer unki chhupa ke, rakh doon jahan ji chaahe
Man mein basi jo moorat, lekin chhupi na chhupaaye
Kehne ko hain wo paraaye
Yaad na jaaye .....

copyright: Shankar-Jaikishan, Shailendra, Muhammad Rafi et al.
Reply With Quote
  #11  
Old 22nd June 2008, 15:00
Wazeeri's Avatar
Wazeeri Wazeeri is offline
Test Match Debutant
 
Debut: Sep 2006
Runs: 15,001
MIG bhai

Merai Khyal mein Insaan bohat na shukra hai. Jahaan tak mujhe lagta hai Yaadein ziada tar achi hi hoti hain. Insaan ko aaj aur abhi ki kadar nahin hai.

Hamesha jab bhi kissi guzarai huwai waqt ki baat hoti hai tau "good old times" sai hi baat khatam hoti hai. Beshak uss waqt mein insaan nai kiya kuch na saha ho.

Issi liye tau sab bachpan mein wapis jaana chahtai hain beshak apnai massanah aur aamea pai Insaan ikhtiyaar kho beth ta hai.
__________________
[]Wazeeri aka Shaheed Benazir Bhutto Wazeeri[/]
Reply With Quote
  #12  
Old 23rd June 2008, 04:43
the_game's Avatar
the_game the_game is offline
T20I Debutant
 
Debut: Jan 2000
Venue: Toronto, Canada
Runs: 7,477
Miggy bhai, kya aap mujhe apni walida ki wafaat ke baad ke halaat bata saktay hain? Aap ne itni bari loss ke saath kaise deal kiya? Kya waqt waqayee itna effective marham hai jo ke har zakham ko kam karday?

Agar aap ko thori si bhi pareshani mehsoos ho is post ka jawab dete huay to meri taraf se muazrat, mera qatayen yeh maqsad nahi tha. Main sirf apnay aap ko tragedy se deal karne ke liye dimaaghi taur pe tayyar karna chahta hoon (khudana khwasta).
Reply With Quote
  #13  
Old 23rd June 2008, 05:57
MIG's Avatar
MIG MIG is offline
PakPassion Administrator
 
Debut: Oct 2004
Venue: Apnay ghar mai - aur kahan ?
Runs: 45,855
Zahir hai kai bohat hee barra sadma tha meray liyay magar ALLAH kee marzi kay samnay kiss kee juraat hotee hai?

Kahani kuch lambi hai magar aik cheez mujhay abhee tak yaad hai aur woh hai apni piyari maa ka wafaat kay baad khubsoorat chehra - jaisay ko woh duwa maang raheen hon...

Uss kay ilaawa jo sub say ziyada burree yaad hai uss bay bussee kee - aap jantay hain kay agar koee doosray mulk chala jata hai to aap ussko phone kar saktay haimn - chahay aap saalon na millain magar aap ko pata hai ko woh hastee duniya mai to hai - magar mot aik aisee cheez hai jo kay intee "final" hai - ab apnee maa say mai kaisay baat karsakta hoon ?

Allah, aap sab par aap kay walidain ka sayiya rakhey ameen

Ya ALLAH, meri maa kee maghfirat farma, Ameen
__________________
For answers to the Universe, Life and everything : TheSourceNews(TSN)
Reply With Quote
  #14  
Old 23rd June 2008, 06:51
from_da_lost_dim3nsion's Avatar
from_da_lost_dim3nsion from_da_lost_dim3nsion is offline
First Class Captain
 
Debut: Apr 2004
Runs: 4,751
pakistan mein apnee school ki yaadein aatehin hian mujhe , main kyon wahana per mummy daddy bacha tah , kash mein bhi thora awara gardioon aur kheel kood mein waqt surf kerta ziwayee kitaboon mein sur diyee rehne ke alawa, mera pasandeeda mashghala school ki kitabon ke baad doosrii kitabbbein perhna hota tah ,
hamdard nonihal, taleem o tarbiyat,saathi,bachoon ki dunya,bachoon ka bagh,tarzan aur pata nahin kya kya,aur iss saab ke sath mein ne buhta hi choti umer mein baroon ke akbhar aur magazines perhne shuroo ker dye. un se mere sooch mein buhat zyada mature pana aagay buhta hi choti age mein hai , i regret that ,all in all main bachpann mein itna enjoy nahin ke rpaya jitna kerna chhaiiyee tha , mgar koi gall nahin college days mein to haadd hi ker de maine...........
kuch totee rishte kuch kachee rishtee bhi buhat yaad aatein ahi ...
__________________
Quote:
you really can't beat the game. If you earn anything, it's minus taxes. If you buy anything it's plus taxes.
Reply With Quote
  #15  
Old 24th June 2008, 21:46
Pak_mystery Pak_mystery is offline
Tape Ball Star
 
Debut: Feb 2008
Venue: SA
Runs: 1,168
Baatein bhool jati hain,yaadein yaad aatin hain..lol
Reply With Quote
  #16  
Old 24th June 2008, 23:49
Zechariah's Avatar
Zechariah Zechariah is offline
T20I Debutant
 
Debut: Dec 2006
Venue: Blackhole
Runs: 8,402
Waqt acha ho ya bura ho, insaan ko humesha khush andaaz rehna chiaye, akhir yahi humne seekha hai apne deen se ki jo marzi ho jaye dunya mein agar Allah hai to kuch khatam nai.

Humara apnay nazriye hotay hian zindagi ki baray mein, jo cheezain humain dil per ja kar lagti hain ( achi ho ya buri) wo humesha yaad rehti hain kyun ki wo humaray subconscious mind per ek print chor kar chali jaati hain, jitni ziyada baat dil per ja kar lagay gi utna hi ziyada wo yaad rahay gi

App sahi kehtay hain ki buri cheezain ziyada yaad rehti hain and wazeeri se sahi kaha ki insaan nashukra hia, shayad humain wo cheez buri lag rahi ho likin asal mein to wo humaray liye bohat hi faidaymand ho sakti hai, is liye zindagi mein jo marzi h ojaye humain muskartay rehna chaiye and iman mazboot rakhna chaiye, bsaaki sab to apni jhaga par a hi jata hia

Likin kuch yaadain esay hoty hain jinko bhoolna na mumkin hia, is tarah ki yadain ziyada tar pyar ki sath related hoty hain, humain apna family aur apni khasam ki saath pyar hota hai aur ye log hum kbhi bhool nai saktay likin zindagi gi cheezon ko zaroor bhool saktay hian

is liye jab hum koi bh cheez yaad karain humain ussay achi nigah se yaad karna chaiye kyun ki negativity ki nigah se to har cheezz hi dardnaak nazar aty hai

muskusraaay rahiye.. aye MIG bhai ki maalish ki jiye
__________________
Will the Federal Reserve Chairman Bernanke continue with QE(n+1) or won’t he?
Reply With Quote
  #17  
Old 25th June 2008, 18:48
MIG's Avatar
MIG MIG is offline
PakPassion Administrator
 
Debut: Oct 2004
Venue: Apnay ghar mai - aur kahan ?
Runs: 45,855
Magar kush yadain hotee hee hain barri ghumgeen - unka kiya karain ? Agar aap ik aisay bachay say poochain jiss kay waldain kissee hadsay mai mot kee nazar hogayain ho to bhala woh kiya yaad rakehaga?

Buss Allah ka shukar karain kay hum or aap kee kuch khushgawar yadain mojood hain !
__________________
For answers to the Universe, Life and everything : TheSourceNews(TSN)
Reply With Quote
  #18  
Old 7th August 2011, 06:16
Phool's Avatar
Phool Phool is offline
Tape Ball Captain
 
Debut: Jul 2011
Venue: Phool jahan khiltey hain
Runs: 2,042
ye yaden bhi badi ajeeb hoti hain, buri yaden humen rulati hain, hum un se chahte huway bhi peecha nahin chuda sakte jabke achi yaden jab bhi yaad ati hain siraf dil hi jalati hain, hum shiddat se chahte hain ke kash wo lamhe wo lamhe dubarah lout aayein, baherhal jo bhi ho yaden to yaden hoti hain

Last edited by Phool; 7th August 2011 at 06:25.
Reply With Quote
  #19  
Old 7th August 2011, 19:39
Looney's Avatar
Looney Looney is offline
T20I Star
 
Debut: Jun 2009
Venue: London
Runs: 20,463
Allah aap ki waalida ko jannat ata farmaayeN . Ameen .

Buri yaadoN ke saath mere khiyaal maiN khonay ka ehsaas bhi bohot hota hai .
__________________
Bhai tou bhai ‚ bhai ka Karachi bhi bhai - Bhai from London :altaf
Reply With Quote
Reply

Thread Tools
Display Modes

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump


All times are GMT. The time now is 07:21.



Powered by: vBulletin and VBAdvanced CMPS
Copyright ©2000 - 2014, Jelsoft Enterprises Ltd.
PakPassion™ © copyright 2014 All Rights Reserved. Content on PakPassion™ requires permission for reprint.